breaking news

    फेसबुकले ल्याउँदै छ नयाँ फिचर ” वाच ट्याब “

    August 10th, 2017 | by Weekly Nepal
    फेसबुकले ल्याउँदै छ नयाँ फिचर ” वाच ट्याब “
    सुचना प्रबिधी
    0

    काठमाडौँ । फेसबुकले चाँडै नै नयाँ फिचर वाच ट्याब प्रयोगकर्ताहरुमाझ ल्याउँदैछ । जसमा विभिन्न किसिमका भिडिओ कार्यक्रमहरु राखिनेछन्।ती मध्ये केही सामाजिक सञ्जाल फेसबुकले नै लगानी गरेका हुनेछन्।

    वाच व्यक्तिगत बनाइनेछ ता कि प्रयोग कर्ताहरुले उनका साथीहरुले के हेरिरहेका छन् भन्ने आधारमा नयाँ कार्यक्रमहरुबारे थाहा पाउनेछन्।
    दर्शकहरुले प्रतिक्रियाहरु पनि हेर्न पाउनेछन् र साथीभाइ र समर्पित समूहसँग मिलेर कार्यक्रम केन्द्रित दर्शकको समूह बनाउन सक्नेछन।

    आफ्नो फेसबुक पोष्टमा कम्पनीका संस्थापक मार्क जकरबर्गले भने, “कुनै कार्यक्रम निस्क्रिय रुपमा मात्रै हेरिनुपर्छ भन्ने छैन।” “एउटै विषयमा रुचि भएका मानिसहरुलाई एक ठाउँ ल्याउन सकिन्छ र त्यो अनुभव साट्ने मौका पनि बन्न सक्छ।”

    फेसबुकमा भिडिओ केही समयदेखि उपलब्ध छ तर त्यो अहिलेसम्म सिकारुहरुले खिचेका अंशहरु वा समाचार संस्थाले राख्ने स-साना अंशमा सीमित छ। विश्वको सबभन्दा ठूलो सामाजिक सञ्जालले फेसबुकले गत वर्ष भिडिओ ट्याब थपेको थियो। र केही यता उसले आफ्नै विषयबस्तु बनाउनेतर्फ काम गरिरहेको संकेत गर्दै आएको थियो।वाच फेसबुक र कार्यक्रम निर्माताहरुका लागि थप अर्थोपार्जनको बाटो बन्नेछ।

    फेसबुक क्रमश जटिल र भीडभाडयुक्त बजारमा प्रवेश गर्दैछ।उसले परम्परागत टेलिभिजन सञ्जाल र युट्युब नेटफिक्स जस्ता अरु अनलाइन सेवासँग प्रतिस्पर्धा गर्नुपर्नेछ।
    बीबीसीबाट

    Leave a Reply

    Your email address will not be published. Required fields are marked *