breaking news

    दूरसञ्चारले मोबाइलको पल्स अवधि घट्यो

    March 18th, 2017 | by Weekly Nepal
    दूरसञ्चारले मोबाइलको पल्स अवधि घट्यो
    सुचना प्रबिधी
    0

    काठमाडौं ।टेलिकम क्षेत्रको नियमक निकाय नेपाल दूरसञ्चार प्राधिकरणले मोबाइलमा पल्स अवधि घटाएको छ। प्राधिकरणले बैशाख १ गतेबाट अनिवार्य कार्यान्वयन गर्ने गरी दूरसञ्चार सेवा प्रदायकलाई परिपत्र गरेर पल्स अवधि घटाउन निर्देशन दिएको हो।

    मोबाइल तथा टेलिफोन प्रयोगकर्ताले कुराकानी नगरेको समयको पनि पैसा तिर्नुपरेको गुनासो आएपछि पल्स अवधि घटाएर कुरा गरेको अवधिको मात्रै पैसा तिर्ने व्यवस्थासहितको नयाँ पल्स अवधि र रेट निर्धारण गरेको प्राधिकरणले जानकारी दिएको छ ।

    नयाँ पल्स अवधिअनुसार सबै प्रकारको मोबाइलमा प्रत्येक १० सेकेन्डको एक पल्स मानिने छ। अहिले २० सेकेन्डको एक पल्स हुन्छ। यस अनुसार अहिले मोबाइल प्रयोककर्ताले ९ सेकेन्ड कुरा गरे पनि २० सेकेन्डकै पैसा तिर्नुपरेको छ। २१ सेकेन्ड कुरा गर्ने प्रयोगकर्ताले ४० सेकेन्डको पैसा तिर्नुपर्ने हुँदा नयाँ पल्स अवधि घटाइएको हो।

    नयाँ पल्स अवधि अनुसार १० सेकेन्डको एक पल्स हुने भएकाले ९ सेकेन्डसम्म १० सेकेन्डकै पैसा र त्यसपछि १९ सेकेन्डसम्म २० सेकेन्डको पैसा तिर्नुपर्ने हुन्छ।
    अन्नपूर्ण पोस्ट दैनिकमा खबर छ ।

    Leave a Reply

    Your email address will not be published. Required fields are marked *